|| దినచర్య || 

ఉదయం పకకొండు గంటలకు ఆశ్రమంలో భోజనానికి గంట కొట్టేవారు. 

భోజనశాలలో బ్రాహ్మణ-అబ్రాహ్మణ పట్టింపు వుంది. 

ఏ పట్టింపూలేని భగవాన్, ఆ విభాగం మధ్య కూర్చునేవారు-ఇరు పక్షాల వారికీ కంపించేటట్లుగా. భగవాన్ భోజనం చేయడం ఆరంభించేవరకూ ఎవరూ ఏ పదార్ధమూ ముట్టుకునేవారు కాదు. 

అందరికీ వడ్డించేవరకూ భగవాన్ తినేవారు కాదు.

భోజనానంతరం భగవాన్ తాంబూలం వేసుకునేవారు. 

దాన్ని పూర్తిగా నమిలిన తర్వాత, నోరు శుభ్రంగా కడుక్కునేవారు. 

పరిచారకుని నిర్లక్ష్యం వల్ల, వరసగా కొన్ని రోజులు భగవాన్ కి 

తాంబూలం ఇవ్వడం మరచిపోవడంతో ఆయన తాంబూలం వేసుకోవడం మానేశారు.

మధ్యాహ్నం రెండు గంటల వరకు భగవాన్ విశ్రాంతి తీసుకునేవారు. 

చివరి సంవత్సరాల్లో భగవాన్ ఆరోగ్యం కోసం ఆశ్రమాధికారులు 

విశ్రాంతి సమయంలో హాలు తలుపులు మూసేస్తే, 

ఒకాయన తెలియక లోపలకు వెడితే, పరిచారకుడు కటువుగా మాట్లాడి కసిరాడు. 

ఆ సంగతి తెలిసి భగవాన్ మర్నాడు భోజనానంతరం 

హాలు బైట మెట్ల మీద కూర్చునేవారు.